Tribute to Late President

posted by D Kumaresan

எனது ஆருயிர் நண்பர்  மறைவிற்கு இரங்கற்பா!
ஆழ்கடலில் அமிழ்ந்து
முத்தெடுப்பார் மனிதர்கள்.
பூவுலகில் புகுந்து
முத்துகிருஷ்ணனை எடுத்தார்களோ தேவர்கள்?
இலையுதிர் காலத்தில
இலையுதிரும் என்பார்கள்..
தலைவரே உதிர்ந்து விட்டீர் இதுவென்ன
தலையுதிர் காலமோ?
ஆர்ப்பரிக்கும் அலைகடலும் உன் குரல் கேட்டால் அமைதியாகும்.
யார் குரல் கேட்டு இன்று
நீர் அமைதியானீர்?
பொன்விழா நடத்தி நீர் செய்த சாதனை கண்ட எமதர்மன்
தன்விழா ஏதும் நடத்த
உம்மை அழைத்துச் சென்றானோ?
பார்ப்போரைப் பாசத்தால் பிணைக்கும் பாங்கு கண்டு காலதேவன் பாசத்தால்
உம்மைப் பிணைத்து விட்டானோ?
பிறர் வாழ வேண்டுமென்று
இரத்த தானம் செய்தாய் – இன்று யார் வாழ வேண்டுமென்று உயிர் தானம் செய்தாய்?
கேட்பதற்கு கோடி வினா இன்னும் இருந்தாலும் கேட்கவில்லை.
நீர் இல்லை என்று உலகே சொன்னாலும் என் மனம் ஏற்கவில்லை.
மறைந்து விட்டீர் என்று யார் சொன்னார்?
பனிரெண்டார் நெஞ்சங்களில் நீங்காமல் நிறைந்து விட்டீர் என்பதே மெய் !

 

Leave a Reply

Your email address will not be published. Required fields are marked *